Le Cousin : Ibong

Perjumpaan yang mencabar

muka2 kodou yang excited mau jumpa. sampai si ibong mmbawa lagi botol air mau p sana selekoh jumpa si ugau (saya). hahahaha. tiada bah gambar si wiwin. adess. 

okey, selepas sa krik krik buat beberapa minggu ni, biasa la, vocation2 dolo bah kn. mana boleh 24hours dating sama screen lapop. jadi, ni kali sa mau kasi cer pasal sa jumpa si ibong haritu. siapa si ibong? alaaaa, si MrClyrie bah. ya, yang ytuber tu. jadi sa kasi cer la macam mana perjlanan sa p sana tmpat dia. mcm yg sa kasitau yg harituuuuu, sa sama ibong satu kampung. dan tidak dinafikan we're cousin. dan yeah, penuh cabaran bh sa sama si ibong mau bjumpa. pertama2, sa mau kasitau. kampung sa nama dia kampung tomis jaya. kampung si ibong kg tomis lama. nama bapa kampung kami ja la lain2 tapi yg tomis2 tu sma. punya sadis masa sa mau jumpa dia. adada. kalah2 tu merentas desa bah. sampai muka sa mirah2. babat sa pun hampir pecah. hampir okey, bukan pecah. kalau pecah, msti badan sa bebeh suda sekarang tapi kenyataannya sa masi bebess. hahahaha.

okey, dimulakan cerita. masa sa sama ibong mau jumpa tu kan, sa kena turun bawah. cerun tu jalan mau p bawah. nda sa tergambar bah tu jalan dia. jalan dia macam yang macam escalator rata tapi versi jalan raya. nda tau la kalau si ibong ada p gambar. hahaha. nanti la sa kasi tinguk jalan dia. okey. si ibong jumpa sa bawa dia punya kajen, si wiwin nama dia. maksud sa, kami punya kajen. masa sa p bawah tu kan, sa minta kawan sama anjing putih aunty sa. nama dia gojes. jadi. masa sa p bawah bah, sa call2, sms2 si ibong. nasib keridit sa masa tu banyak. okey. terus sa sama ibong macam tai la sms2, calling2. tp hp dia yg sony tu nda kuat pikat line, tu la balik2 sa call masuk tu voicemail, bontaton betul tu voicemail. telipun sa yg bikin kasi bingkuk besi punya hp p mngurat tu line. tapi jenama samsung la. biasa la. samsung pun mau cari alternative bah mau jadi macam nokia. okey. terus masa sa p bawah kan, byk selekoh bah. terus byk lagi kerita limpas2. byk yg mau kasi tumpang sa jalan p bawah nga sa tolak. antara kata2 durang : "honggo ngoyon nu mandak?" "kau saturang ja?" "mau ikut?" ereiii kan tu ayat. sa pun kasi keluar la skill sa cakap dusun. aiii, jan bikin malu bah orang bilang. hantam seja yg penting masuk. wkwkwk. masa tu sa byk limpas tempat. sa limpas sawah orang, kerita orang, kebun orang, parit besar dan macam2 lagi. nda payah la sa kasi tau smua kan.

lepas sa sudah limpas 4selekoh, sa kena bawa p atas balik. no need la sa kasitau siapa bawah sa p atas sbb ibong suda tau. wkwkwk. terus masa tinggal 1selekoh p rumah, si ibong telepon. dia cakap "gau. mana kau ni sa limpas sawah sudah ni." sa jawab "yg ada kerita merah ka parking sana?" ibong jwb "ya. uiii! dimana kau?" sa jwb "astaga, sa sini atas sudah ni. bah, cepat la kau p sini." ibong:"uiii, mana kau ni? hahahahahaha." sa :"kau ada nmpak ka kerita coklat limpas?" ibong:"japjapjap. *4saat kemudian* adaa! sa:"bah, capatttt! kamu mau dakat sudah ni! hahaha. *ada kerita hitam limpas*kau nmpak kerita hitam?" ibong:"bah2. ada. bah, kami mau sampai sudah."

terus beberapa saat kemudian, sa nmpak si ibong sama si wiwin. terus anjing sa aka anjing anty sa salak dorang. trus si ibong kencang. wkwkwkwk. si wiwin pun sama2 kencang. gay kan dorang uda. terus kami jumpa. kami bsalam macam orang tua2. wkwkwkwk. terus kami bcerita2 la. terus kami bcerita pasal si ruda. terus si ibong suruh call si ruda tp si ruda nda sambut, tu bontaton punya voicemail yg sambut. terus kami cerita2 macam tai lagi. tuduh menuduh gay. smua la bah gay. si ibong laitu. terlampau rancak gay. si wiwin pun ikut gay. gay gay gay gay. smua la bah. gay. orang yg buang sampah dari tingkap kerita pun kena cakap gay. sa request tu si ibong buat vdeo pasal orang buang sampah dari kerita. terus orang yg nda mau kasi tumpang dorang pun kena cakap gay. gay la bah smua. soi betul bah masa tu. muka2 yg kepenatan pun terus segar bugar bh bila bercerita pasal gay. terus si ibong cakap la dorang kena sruh mau p beli gula baitu. wkwkwkwk. tapi si wiwin lupa sebab tlampau mau kawan si ibong jumpa sa. wkwkwkwkw. kcian.

kami jumpa beberapa minit ja terus pulang sbb petangggggg suda sa jumpa dorang. terus kan. sblum kami bersurai. si ibong mau ambil gambar. dengan muka yg ceria plus merah, sa pun bgambar la sama si ibong. kontrol hensem gima ibong. wkwkwkkw. tinguk bh sa, muka kodou yg macam baru habis minum. macam kogutan lagi. wkwkkw. soiii, tapi sa nda pndai minum la. biasa la. orang nda minum benda2 yg memudaratkan bait Tuhan. aisehh. hahahah. nah, yg gmbar2 tu. yg kena sisip sepanjang cerita sa dlm blog ni la yg paling kodou muka sa. tapi yg penting sa nda kontrol. wkwkwwkw. bah. itu seja la cer sa. nanti kalau tlampau mndalam sa punya huraian, termuntah2 kmu mmbaca ni blog. klik ja tu gambar kalau kamu mau tinguk dlm HD. wkwkwkw. bah, adioss. selamat bercuti, merry christmas dan happy new yearrrrr xx